Próximas actuacións |
8 de febreiro de 2020: San Brais en San Mamede de Ribadulla Actuación no baile de Balteiro As seguintes actuacións anunciaranse no Facebook
|
Séguenos
en:
 |
|
|||||
| A
Requinta da Laxeira lanzou en 2013 o seu segundo disco,
Maise O grupo de requinteiros estreou o segundo disco, Maise, cunha actuación na compostelá Sala Capitol o 8 de xuño de 2013.  O primeiro disco,'Vai de baranda', lanzouse en 2010 A Requinta da Laxeira vai de baranda, chunda, chunda, de aquí para acolá, unhas veces preto e outras máis lonxe… sempre con brincos, voltas, aleghría… fiel reflexo da savia nova. A Asociación Cultural San Campio é o berce e acubillo deste grupo que comeza a súa andaina alá polo ano 2004.
A comarca da Ulla e as súas xentes representan as sementes que fan agromar en cada unha das súas actuacións as músicas e os cantares dun tempo, e mailo imprescindible ¡arrecendo a festa rachada! A requinta, instrumento característico desta zona e que tamén lle dá nome á formación, é a anfitriona de muiñeiras, pasodobres, xotas, rumbas… que convidan a botar unha baila tanto ó solto como ó agharradiño. ¡Viva a ghaita, as ghaiteiras e os ghaiteiros, viva a requinta, as requinteiras e os requinteiros, viva a festa e vivan as festeiras e os festeiros! ¡Aturuxos… foghetes ó aire… pum… pum… pum! A Requinta da Laxeira… ¡VAI DE BARANDA!
|
